السلام عليكم

هذا ملف للطباعة وبعدها الطفل يختار نشاط يسويه يشغله مع جلسة البيت في وقت مرض كورونا عافانا الله واياكم من كل سوء

لتحميل الملفاضغطي هنا

أتمنى انكم تستمعتو مع أطفالكم 

السلام عليكم

أدري مقصرة مع المدونة بس حبيت احط لكم الملاحظات الي سويتها لبناتي هذي السنة

 هدفي الأول والاخير وجود ملحوظات عربية لان النت مليان بالانجليزي وحبيت يكونن شي بهويتنا ولغة اطفالنا 

وطبعا حسب ثقافة الطفل بس انا حابة اسوي شي لبناتي يكون عربي لان الانجليزي اخد حقه في امور ثانية

أثرها مره جميل على اي طفل 

سويت هذي السنة ٣ تصاميم

الأول

للبنات والأولاد

وينفع لصف أول ابتدائي لان الكلمات قليلة وسهلة وواضحة

وحاولو  تسألو الطفل عن الي قرأه بعد مايرجع

وطبعا تنفع لعمر أكبر بس هدفي كان الصغار مره عشان تكون بسيطة عليهم

للتحميل 

الثاني:
للبنات
 خاص بالبنات وحسيت ينفع للي بعمر بناتي يعني رابع لفوق ( حقت العام برضو مناسبة من ثالث وطالع او حسب مقدرة بنتك)

ركزت اكثر شي عالثقة بالنفس والتعزيز بكل شي جميل لانها بداية فترة حساسة بالنسبة لهم

هذا هو التصميم للتحميل

اما التصميم 

الثالث 

للاولاد

كثير طلبو مني امهات الاولاد وحبيت اسوي لهم شي مخصوص ويفرح

(بالنسبة للكتابة عالملحوظات شوفو التدوينة السابقة(

وبكذا اكون انتيهت من بطاقات السنة هذي

اتمنى انكم تستفيدو منها وتدخلو الفرحة بقلوب اطفالكم الحلوين

وتدعو لبناتي بالتوفيق والهداية

السلام عليكم

كيفكم 

صراحة أسعدتوووني في اخر بوست في تفاعلكم مع الملاحظات الي سويتها لبناتي ،، الفكرة كانت في بالي من سنتين ونص تقريبا لكن انتظرتهم يستوعبو الفكرة ويتمكنوا من القراءة.. ردة الفعل جميييلة الحمدلله.. وهذي الصور من سناب

مع ان بناتي لغتهم الانجليزية جيدة نوعا ما لكني فضلت اسويها بالعربي ،،، لأن (ليش لأ؟) الانجليزي كثير والافكار جاهزة بس مقصرين بالعربي فحبيت تكون عربي

اخذت التصميم جاخز من مدونة اجنبيه وترجمتها بعبارات بسيطة وبعضها بالعامية عشان تلامس القلب وتكون قريبة منهم

المطلوب فقط انكم تطبعوها وتغلفوها حراري وتقصوها ،،، وبس انتظروا احلى ردات فعل من أحباب الله

لاحظو بعضها فيها مجال للكتابة ،، استخدمو اقلام قابلة للمسح بس مو حقت السبورة لانها ممكن تنمسح قبل وقت الفسحة،، انا استخدمت شاربي تلاقوه في جرير اتوقع وبكذا راح تتجدد وكل مره ينتظروا خبر جديد

هذي للبنات 

١-

٢-

وهذي للأمراء الأولاد اكيد مانسيتهم

السلام عليكم

ياااااه.... ٦سنوات مرت من اخر تدوينة كتبتها هنا!!! يارب اعطينا العمر والعافية 

الي شجعني متابعاتي في انستقرام وسناب وقت ماحطيت نوتات اللنش بوكس

شكراً بحجم السماء لكل كلمة لطيفة كتبتوها...

ولنا عودة باذن الله

سلام لكل الي متابعين المدونة

لي فتره طووويلة ماكتبت عارفين رمضان وعيد ودربكة وزحمه

بس ماوقفت شغل كروشيه الحمدلله بس ماهو الشغل السريع يعني بدأت كم مشروع مع بعض وكل فتره اكمل في واحد

اخر اعمالي كان مفرش

بدأته من فتره واروح وارجع له لانه نوعا ما كبير + اول مفرش اسوويه! يعني اخذ مني ووقت ومجهود خصوصا قراءة الباترون لانه ماكان مره كبير وبرضو مو مره صغير بس برضو اخذ مني وقت للتركيز ولا هو اساسا جدااا سهل 

بعد ماخلصته من جدد حسيت بالانجـااااز،، شي حلو صراحة المفارش اول مره يجيني هذا الاحساس ،، وان شالله راح ااشوف لي باترونات ثانيه وابدأ مفارش ثانية لان متعتها لا تنتهي =)

الخيط المستخدم هو DMC Babylo 10

اللون ابيض اكيد

طول المفرش تقريبا متر

مدة العمل ،،، لو جمعتها ممكن تطلع اسبوعين متفرقة..

النتـــيــجة:

 

وهنا زوم  أكثر

الباترون موجود في مدونة شغل ابره ،، اكيد عارفينها من اشهر المدونات العربية في الكروشية والايتامين

اتمنى يكون عجبكم المفرش قد ماعجبني مع اني حاسه الصور مرررره ظالمته جنب الطبيعه،، 

سلام حبوبات

لي فتره ماكتبت 

والله عندي التهاب حلق له ٥ شهور مااراح شي مزمن يعني!! 

ومخليني ضايق خلقي ٢٤/٧ 

دعواتكم لي

هالتدوينة خفيفه ظريفه

قبل فتره هبقت علي زراعه وقررت ازرع

وبدأت بالملوخيه بس ماتت وبقيت بزور وزرعتها ثااااني الحمدلله

وهذي هي حبيبتي.. اول ماطلعت

حبيتها مره حبيبتي ومبسوطه فيها

 

في نفس الاسبوع رحت اشتريييت ماكينة خياطه من اول نفسي اشتري وحده 

ولاني ما اعرف للخياطه رحت اشتريت وحده متوسطه الخصائص عشان ما احوس

واخترتها من ماركة سنجر 

شوفوها ماي بيبي : ماشالله تبارك الله 

والله يهنيني فيها يارب 

والله انها بنت حلال باين عليها

بس صراحه ماعندي طاوله لسه + وماني عارفه وين احطها!!! 

عاد لين الاقي لها مكان ووقت ان شالله بعدين ابدأ مشاريع!

على سيرة المشااااريع،،،، كان في بالي كثيييير اشياء وبس اشتريتها راحت عن باااااالي :(

مادري هالشي طبيعي ولا لا لووووول

خلال الاسبوع جاتني كمية كوسا كثيييييييره في البيت،،،

وقعدت ادور وصفات ولان اهل البيت ماياكلو محشي قعدت ادور وصفات ثانيه لين طحت على

Zucchini bread... 

وبالعربي ... خبز الكوسا او كيكة الكوسا

وسويتها ،، طولت في الخبز اخذت ساعه وشويه

وهذي النتيجة:

طلعت شي شي شي شي 

لذيييييييييييييييييذة لابعد حد،، الغالب فيها طعم القرفه ومافيها طعم كوسا بس قوامها خطيرررررررررررررر 

وربي انها مره شي لذيذ ،،، 

وهذذذذذي ملوخيتي بعد ما مر اسبووووووع

ماشالله تبارك الله :)

ناويه انقلها للارض بس خايفه عليها مرره حبيبتي انا لووول

ناويه ازرع اشياء ثانيه بس لسه بس انقل ملوخيتي للارض ازرع الباقي ان شالله

ان شالله تكون عجبتكم المدونة